期待142 : 聖誕小失落 - by Karen

看著每一組都有聖誕小活動..
內心有點...
點樣可以郁多o的?
點樣大家可以close o的?
聖誕唔搞小活動唔代表唔郁
聖誕唔搞小活動唔代表唔close
作為組長...
我應該做什麼?
可以做什麼?

天父呀... 這是你的大日子
你可以告訴我嘛?

我們的方向應該是怎樣
我們的關係應該是怎樣
我們的前路應該是怎樣

我們準備好盛載一群新生命嘛?

其實也替其他組高興
可以襯還小的時候無憂無慮地盡慶
不用面對公開考試
不用面對將要踏進社會的迷失
弟妹們, 只管盡情去玩樂
在適當的時候作適當的事

組員們
你們也要加油
這一兩年對你們真的是辛苦點
很多人生大事要面對
很多新事物要適應
但記著, 你們不是一個人獨自上路呢!!

^_^

期待151 : 還有五個月

不經不覺
尚有五個月

還有什麼未做呢?
- 邀請咭
- 新郎禮服
- 工作人員邀請
- 婚禮程序 (揀詩歌, 經文等)
- 當日流程
- 租車
- 拎禮堂紙
- 飲宴名單
- 搵樓
- 安排honey moon
- 過大禮
- 搵相 (做成長篇, 有冇o的新意呢!?)
- 拎相簿
- 兄弟姊妹團聚會及籌備

嗯....
係咪真係冇咩呢?
好似好多野未做
又好似冇咩野未做...


.

期待158 - 海洋公園遊

十二月的第一天, 已經是非常開心的一天

媽媽生日, 一家五口一早往海洋公園進發

期待這一天的同時, 常常出現當年爸爸給我們照的一張相

妹妹坐綠色BB車, 我站在她旁邊, 背景就是海洋公園

想當年是他們帶我們到這裡

現在是我們帶他們到這裡

一早接過婆婆, 乘巴士到金鐘轉接駁巴士

一個多鐘頭卒之到達

為何平日的時間都有這麼多人呢?

婆婆最近用士的行路... 看她一步一步... 婆婆老了

但.. 她面上掛著的, 是滿足, 喜樂的笑容

爸爸也是滿心歡喜的, 整天都是笑容滿面

看著他與婆婆十指緊扣, 為的是扶著婆婆上山落山

他真的很孝順... 言教不如身教... 我會孝順你的

忍不住為他們影了一張相

也忍不住幻想我將來的丈夫怎樣陪著我的家人去遊山玩水

生日之星 - 媽媽當然是最開心啦~

本來只得她跟婆婆來這裡走走

結果, 她所有的摯愛也能抽空陪伴

這天, 對我們一家都是十分珍貴
我要對我的家人更好..

好唔捨得... 遲o的要搬出黎住..

見面少了..不知會怎樣呢....

.

期待170 - 組訓, 我愛你! - By Karen

感恩我們有好豐富的晚餐
感恩我們有坦誠的分享
感恩我們有互撐的戰友

就如魚蛋所說
對我們五個人, 這晚的分享真的是突破性的
問的和答的都很有勇氣
雖然當中有不少的搞笑 (事) 成份
但, 每字每句, 都是真心的 (除了搞笑/事部份)
上帝真的很錫很愛我們五個普通的人
感謝主揀選我們去經歷祂的真實
感謝主揀選我們去見証祂的大能

深信我們未來還有很多的分享, 分擔
若你們不介意
我們的家庭願意為你們而開放
提供一個不被時間所限的空間去接待大家

細鈞, 魚蛋, Janice, 細dee, 我愛你們~
(排名不分先後次序)

^_^

期待180 - 事奉後感 by Karen

十一月十四, 十五日

教會啟發營會

這次事奉崗位 - AV Team

這次事奉, 雖然不是啟發團隊

只是在營會幫手

但, 看著整個團隊在充滿歡喜快樂的氣氛中

互相服事, 互相代求, 互相支持, 互相鼓勵

好羡慕呢~

不過, 這次最感動我的

係阿拉...

還記得上年在營會當中的經歷

看著他的改變, 成長

見証著上帝在弟兄生命的作為

今次在營會中, 滿有喜樂地事奉

這就是上帝的奇妙, 真實, 大能

謝謝你, 讓我在你身上看到上帝的作為

第二日, 牧師的一個指示

我, 細DEE, 阿拉, RAINBOW, ALAN

一起完成這個指示

在草地一起彈著唱著

我喜歡這幅圖畫

你說陰天代表你的心情，雨天更是你對生命的反應

你說每天生活一樣平靜，對於未來沒有一點信心

親愛朋友，你是否曾經曾經觀看滿天的星星

期待有人能夠瞭解你心，能夠愛你賜你力量更新

耶穌能夠叫一切都更新

耶穌能夠體會你的心情

耶穌能夠改變你的曾經

耶穌愛你　耶穌疼你

耶穌能造一個全新的你

係, 絕對係

一個又真又活的信仰

感謝主

^_^

期待189 - 無題 by Karen

這三星期要幫手在何珥的週會負責查經
自己也要跟幾位弟兄姊妹一齊pre-study
過程當中, 對自己, 也有很大的反省

我的價值....
為何而活....

原來, 我們去服事上帝, 在青少年團契中服事
他們的改變
對我很重要
因為, 他們成為了上帝在我生命中的見証
我.. 見到主耶穌... 的大能... 在他們的身上顯明

感謝主

當我以為為你作了很多很多的時候
原來, 你給我的更多更多...

感謝主 ^_^

我下一個進修目標 :
紅色門徒

加油!!!!
^_^

期待192 - 法國婚紗揀相篇 by Karen

卒之要去揀相
一路都諗住邊啲邊啲唔要
唔想再加錢
要慳!!!

約o左兩位媽媽係港鐵站等
係佢地心急, 定係唔識預時間呢....
咁早到...
我今日因為一啲意外, 要遲少少先可以離開公司
唯有叫親愛的去接兩位媽媽喇~

不過, 我都唔係好遲, 其實係o岩o岩好六點半
佢地都係睇o左一半都冇.

或許真的做得太多心理準備
之前睇o左好多別人的sample
睇到好悶...
post一樣, 景一樣...
只係今次睇到的係自己個樣!

一如所料 :
1. 水池景, 太罐頭, 唔要
2. 扮長腳, 嘔心, 唔要
3. 天使翼, 可愛到, 唔要
4. 月亮, 好"sweet" 呀, 唔要
(不過呢, 阿媽好鐘意第三同第四o羅....)
5. 室內露腳, 全部唔要
6. 扮cool, 唔俾人笑, 唔要

睇完一round, 揀完, 已經只剩下34 張
距離target 25 張仲差九張
勁!

呢九張其實都算快揀完
諗住未夠八點揀完
真係勁

當開心冇耐後..
佢叫我地再揀大相呀, 油畫呀, 邊啲擺相簿呀..
下... 乜仲有咁多要揀o既
一來揀o左咁耐冇咩心機揀
二來, 個sales 姐姐塊面黑過我件黑色衫
好彩阿媽阿妹auntie 都係度
我地自己有傾有講有笑
都費事理佢....

揀埋揀埋...
仲要諗邊啲放大相簿, 邊張做封面
小姐.. 麻煩你笑下得嘛....
其實你一日咁多個鐘係工作間都唔笑, 你辛苦嘛?

姐姐有時都會問下:
加大油畫嘛? 唔加
加大相簿嘛? 唔加
要靚啲油畫框嘛? 唔要
最後, 姐姐suggest 我地將所有相入晒細相簿
由十五張加至廿五張
盛惠三百元
我都想繼續答唔加
點知....
兩老加阿妹都話加
佢地仲話夾黎送俾我地做禮物都抵
三票對兩票
咁就俾多三百元啦

跟住其中兩張相送o左俾兩位媽媽

埋單走, 九點正

經過今次...
我諗我會再suggest 人去大公司影
影freelance 開心好多
影大公司, 都係叫做體驗過

想睇相, 等到二月啦~~~~~

小貼士 :
如果只係想體驗下:
1. 搵一個好啲的freelance
2. 化粧set 頭任佢搞 (點都會靚, 大公司嘛)
3. 攝影師助手任佢派 (點都有基本水準, 大公司嘛)
咁你就冇意慾加相

^_^

期待194 @ 法國婚照報導 - by Karen

上星期一係法國影相
同大家分享下當日情形啦~

我地個日book o左兩點半影,
一點就去又一城填飽個肚
我地仲帶多o左個助手施施添呀!

去到等o左一陣, 就先換第一套婚紗
個姐姐都好好人, 好nice, 佢叫tammy
問我鐘意邊件多啲, 邊件想影咩景
換完就化粧
佢都好好心機set 頭
又好快手, 個頭自己都好滿意
而男仔就坐埋一邊
係等新娘化粧的一個鐘頭九個字
佢地就要揀自己的禮服同化少少粧

跟住就見到幫我地影的攝影師阿東, 第一個助手叫阿文, 第二個叫daniel

女仔第一套婚紗 & 男仔第一套禮服:
影花園, 影下studio 外圍的景, 月亮呀, 翼呀, 大門呀,
再撘車去隔離building 影水池
btw, 我唔鐘意月亮同對翼, 仲有係水池扮長腳...
唔知點解, 好抗拒呢~

女仔第二套婚紗 & 男仔第二套禮服 :
影ground floor 的酒Bar, 餐枱, 琴, 水晶燈, 紅色sofa
影一樓的bear bear 房, 梳妝台, window
第一套同第二套只係換o左一個髮型, 今次係紮起晒, 加頂帽 同頭紗換形象速度好快!

女仔第三套衫 & 男仔第二套衫:
影basement 的studio 景:
1. 啡啡地, 籐波波feel
2. 白色野餐枱
3. 珠珠鍊
4. 黑色長背sofa
5. 白色地毯 (我成日以為啲人係張床度影, 原來係地下...) + 宮廷feel "登"
今次個頭就換o左好耐, 佢話package 包兩個頭, 佢送多個俾我
不過我眼見幾個一齊開始影的女仔都換頭...個個都送啦應該
今次係放晒啲頭髮落黎, 仲戴o左個假髮駁長o左添!
佢地應該有晒一套"餐單"幾時set 咩頭...

最後影到八點鐘
姐姐幫我落埋粧
填埋啲問卷
個日影得好舒服, 或者係因為室內啦
又唔駛日晒雨淋又有冷氣
啲隨身物品又可以放低晒他條好多呢~

今個星期三睇相喇
希望唔駛大出血啦~

整個過程, 好深的體會
你想人地點對你, 你就要點對人
整個過程, 見化粧姐姐化到攰, 問候下佢, 讚下佢
佢都開心啲, 有傾有講, 大家都好舒服好享受
同攝影師哥哥講下笑, 整鬼下, 佢影得冇咁拘謹時, 我地都開心啲

感謝主, 讓我們整個過程都遇到好好人呢!
^_^

期待200 - 細dee 整潔事件簿 by Karen

尋日去法國影相
細dee 要帶兩對鞋 (一黑一白)
我要帶一對高踭鞋
另外兩隻馬騮 + 絲花球
野好似唔係好多, 但係好難一個袋裝晒
所以細dee話用個拖"gip"
我一路都覺得好誇張
不過, 梗係尊重佢決定啦
而且又唔駛我拎 嘻嘻 XD

最後走個時發覺
好彩真係用個拖"夾"
我落完粧, 換完衫, 出到黎見佢好他條咁坐係度
但係其他情侶, 就係個locker 度一袋二袋咁執呀執
哈哈~~~ 個個女仔都同男朋友一齊踎係地下執..
我就好悠閒咁行黎行去...

又再一次覺得自己好幸福

多謝你的體貼
多謝你的照顧
多謝你的細心
多謝你的週到

^_^

期待203 - 我的婚鞋 by Karen

我的婚鞋
由星期日訂造, 到星期四晚
八點放工, 八點半到尖沙咀
係舖頭試完, 執下, 改下
差唔多九點半先離開

始終都未係好習慣著高踭鞋
但係, 這對三吋鞋比相像中舒服得多.



^_^

期待209 - 第一次680

下星期一, 又要影相
上次影相, 整爛o左對鞋...
哈哈~

之後, 都未搵到一對好的高跟鞋
自己的腳型
很難買鞋呢~
又少著高跟鞋

想了很久...
訂造.. 值得嘛?
平時都可以著返
又舒服啲.
親愛的都好支持我去造一對..
even 對鞋好貴....
而我... 真的好唔捨得....
太貴了....

我地今日即管去鞋舖看一看,
若趕得及下星期影相前造好, 著多一次感覺又抵一點嘛
試o左一次鞋, 問o左價錢, 第一次報750, 再講價都係700,
跟住就離開o左, 諗o左好耐, 又問o左幾個人..
最後, 用公字解決, 如果兩個都係字就做...
點知... 真係兩個都係字....

成個過程, 親愛的都不停說我去買,
因為想我舒服啲, 唔駛咁辛苦
又話送俾我

親愛的, 你對我的愛, 我真的收到
全部都收到晒
多謝你的體貼
多謝你的愛護
多謝你的疼愛

我愛你 ^_^

.

期待212 - 剩下七個月 - by Karen

原來還有七個月...
現在要做的是 :
- 準備十月尾影第二輯相
- 諗下婚禮經文
- 諗下婚禮用的歌
- 繼續邀請朋友幫手
- 諗下當日run down
- 搵下樓
點解好似冇咩實在啲的東西做咁o既.....

星期二晚的祈禱會
一段很好的經文分享:
以弗所書
3:14 因此。我在父面前屈膝、
3:15 ( 天上地上的各〔或作全〕家、都是從他得名）
3:16 求他按著他豐盛的榮耀、藉著他的靈、叫你們心裡的力量剛強起來、
3:17 使基督因你們的信、住在你們心裡、叫你們的愛心、有根有基、
3:18 能以和眾聖徒一同明白基督的愛、是何等長闊高深、
3:19 並知道這愛是過於人所能測度的、便叫上帝一切所充滿的、充滿了你們。
3:20 上帝能照著運行在我們心裡的大力、充充足足的成就一切超過我們所求所想的．
3:21 但願他在教會中、並在基督耶穌裡、得著榮耀、直到世世代代、永永遠遠。阿們。

上帝的愛, 遠超過我們所想所求, 不能測度
這, 是我深深體會過, 經歷過
但, 我可以怎樣將這愛實踐出來呢?

你, 也能接受這愛, 你願意嘛?

^_^

期待215 - 今天的得著 by Karen

好似好耐冇join 星期日的崇拜
今天...
好舒服, 好專心, 好享受

聽著風琴聲 (雖然是電子琴裝出來的), 幻想自己在一座教堂裡面
高高的樓底,
琴聲在當中迴旋
舒服

聽著經文
聽著詩班獻唱

喜歡今天的講導 - 專心仰賴的盼望
馬可10:23-31
駱駝穿過鍼眼, 必先放低身上所背負的貨物, 超煩, 亦費時
但... 原來要一個人放低他所擁有的, 更加難...
我願意放低自己的地位, 身份, 財產, 進入上帝的國, 實踐上帝的教導嘛?

其實, 要撇下一切, 不是因為自己願意, 自己捨得, 而是上帝發出的吸引力..

不過, 最深刻的, 卻是在生活中實踐信仰
實踐信仰, 就是學像耶穌, 愛人如己, 行公義, 好憐憫
而當中, 勞碌, 逼迫必然增多
但, 卻能從中體驗上帝的恩典更多

即係話, 我地唔可以滿足於現有的恩典
要求更多恩典
但... 冇免費午餐
付出的就是實踐
不過, 最後所得的恩典喜樂, 必比你想像還要多

我最感恩是.. 我認識講導中的一個活生生例子
我見識過她在工作上及事奉上的忙碌
卻, 你每次遇見她, 她也是滿有喜樂
總帶給身邊人歡欣
見到她, 我也不敢說自己很忙
也不敢說自己沒有時間拍拖
也不敢說自己很疲倦
感謝主, 讓我認識妳!
^_^

期待217 - 隨想 by Karen

期待我們的契囝囝出世的一天
見著好姊妹的肚逐步逐步的變大....
生命.. 真的好特別







這一兩個月... 好似一切準備暫停似的..
可以做的, 做晒
還未做的, 暫時也不用做...


黎緊要做的, 應該準備影第二輯婚紗照.
嘻嘻, 不過已沒有第一次那麼期待
但, 仍然興奮


大家可以建意一下..
這段時間, 應該預備什麼嘛?

^_^

期待219 - 忙碌的三星期 by Karen

由這個星期二開始

一連三星期

進入作戰狀態

日日做到冇停手

感恩一切尚算順利

這個星期, 最開心的

莫過於星期一收到所有的相

嘻嘻..

有條秘密link 已經upload 晒

但...

未婚夫唔想所有想都disclose

等佢慢慢係facebook upload 啦~

歡迎大家留言分享下每張相的感覺感受呀!

^_^

等待223 - 最後一個單身中秋 by Karen

今年的中秋
除了團契時間外
都是分開過
就算團契時間
都是分開不同組去服事.
其實都冇真正一齊的時間...
哈, 婚前最後一個中秋就這樣渡過...

出年... 就要以另一個身份一同過中秋了..
最擔心是... 我很想跟我地家人一起過...
但.. 我知道.. 我要跟隨我的丈夫...
希望, 一切也可以安排得好好吧..

嘻嘻, 睇到幾張相喇.
好開心, 出來的效果很好, 很自然.
大家都好喜歡
還記得當日的情境
親愛的, 我愛你




^_^

期待227 - 我們的婚照快要面世了!!

等了一個月
頸都長了

嘻嘻...
卒之...
有三四張可以止下渴喇~~~

去相~
http://www.fotop.net/Dannychi/Karen

唔知大家覺得點呢?

^_^

期待234 @ 七日之後 - by Karen

其實沒有什麼特別東西想寫
只是見距離明年五月十五日尚有 234日
所以加一個entry 紀念一下.

兩隻Monchhichi 已經拎去換新衫
嘻嘻, 唔知佢地會變成點呢?
一定比之前更可愛
十月尾影相一定要俾多啲機會佢地出鏡!

戒指粒石不見了...
是他兒戲
還是我太粗魯?
希望整得返啦

七日之後發生咩事?
期待已久的公眾假期
亦是我們輕輕鬆鬆拍拖的日子
^_^

快啲到啦~

期待237 之 感動 - by Karen

今日的兩個感動 :

1. 早上的獻心禮
感動, 係因為 :
- 大家的用心準備
- 大家的齊心事奉
- 新組員的奉獻
- 新組員的立願
你睇, 只要大家肯給自己一個機會, 我地就可以得著更多恩典
因為, 上帝的恩典已經一早預備, 只是我們會否多行一步

2. 晚上的D.O.G.-Power 9th Anniversary
感動, 係因為 :
- 見著很久沒見的面孔
- 重溫過往所做的很多很多
- 原來上帝真的不介意我們微少, 只看重我們的心
- D.O.G.-Power 步入一個新階段

其實, 重有好多好多
但...
心情卻異常平靜
或許, 我還未整理好吧

無論如何, 除了感恩, 都只有感恩...
真的...
甘心樂意
全部奉獻給祢...
因為, 我的, 全是祢的...
若不是祢, 沒有今天的我...
主耶穌, 除了我自己... 沒有什麼可給祢...

希望, 在這裡路過的人
作我的見証, 為我祈禱
^_^
謝謝你!

期待239 - by Karen

喜歡今晚的團契
輕輕鬆鬆
開開心心
互相分享
互相祈禱
若果成日都可以咁多人就好喇~

今晚大家都好主動跟新朋友交流
何珥, 這是一個好開似我
我知我地不止於此
睇下, 每人行多少少, 已經變得不一樣喇~
加油呀!

期待242

哈, 多了半天假
難得在家跟屋企人吃早餐
閒聊, 大笑, 簡單就是福

還有八個月...
現在有什麼要預備呢?
要預備的已經預備了...
沒有什麼急趕.
或許是邀請人幫手的時候到了.
或許是要認認真真的開始搵樓了.

最近有個很傻的諗法...
話說之前有位朋友告訴我們有個免費婚紗攝影的機會
再三遊說後, 親愛的卒之應承再去影一次
可惜, 當我再查問有關詳情時, 已經額滿..
失望是有點的
但... 或許我也是個妄想狂
我在想
是否親愛的跟攝影師串通了
騙我的說額滿
卻靜靜地安排一個驚喜給我

哈哈...
不要想這麼多了...
我的親愛的是個係踏實的可愛男朋友
這樣複雜的驚喜
對他而言..
未免太難了...
哈哈...

從現在起, 要慳一點了....

等待243

八號風球
早放少少
一家人一早係屋企, 好熱鬧呢!

親愛的今日剝智慧齒
辛苦你喇...
希望唔好太痛啦~

又有一點罪疚感....
本來唔想要的婚禮snap shot
本來諗住搵朋友影的婚禮snap shot
嘻嘻
卒之都係忍唔住...
又請了為我們影pre-wedding 的攝影師哥幫手
原來我們的大日子是他的生日呢!

親愛的
你真的太錫我了...
我想要乜, 你都應承我.

真的要慳點慳點....

另一樣特別的東西
關於婚宴
但還未有任何落實
但感覺已經很特別
遲點再同大家分享吧!

倒數 247 - by Karen

婚姻, 就是要兩個人互相建立
我在伊花&Ray 的關係上好實在的見到...
也給了我很大的提醒
我不想阻撓別人去為上帝作大事, 尤其我的另一半
能夠為上帝作大事, 十萬個感恩也不夠
嘻嘻, 我甘願只作一個小女人, 在背後支持支持也很滿足, 只要你是為上帝作工...
口裡願意, 但願心裡也真的甘願吧...
求上帝帶領, 陶造我....

__________________________________

這段時間好像沒有什麼東西要搞...
但又擔心出年太多野搞
有咩可以搞住先呢?

2009.09.05 等待252 - by Karen

爭扎.. 常常都會有...
但係經過上次台灣之旅 及 青少年團契 兩者之間的取捨
組訓簡介會的領悟後...
唔敢再揀錯.....
要懂得分先後, 分輕重....
上次真係差點放棄台灣之旅.....
所以... 今次唔可以再令自己有憒憾
九月十三日
本是我倆再影婚照的日子
點知, 團契因為未來方向, 改了當日開大會
起初也沒有太大意思去轉影相時間..
因為一早已定嘛..
後來, 跟親愛的再三商量
我們始終都想出席
參與當中.
星期五... 嘗試打電話去轉時間....
"最快都要兩個月後"
"十二月二十日, 上午十點才有檔期"
"製成品要三個半月後才到手"
計著計著, 十二月二十日影相, 十二月尾一月頭揀相, 四月先有得拎相...
若想用那些相用在其他婚禮用品的設計, 那就沒可能了....
跟親愛的諗完再諗...
請假平日檔期影, 希望有得早點? 不可能, 十月十一月我不能請假呢
立即同上帝講...我地真的很想在團契大會中有份, 一起尋找何珥的異象..... 給我們一個合適的檔期
好嘛?
再打去問多一次個檔期.. 希望有點突破, 或許有人又想調時間.. 或許那位職員看漏眼...
"十月二十六日, 下午兩點半有期"
"之前揀的衫都有期"
再計, 俾之前早兩個月, 即係二月有相用....
萬一真的要用那些相做其他設計, 趕點, 但都有可能
即刻確定更改時間吧!
感謝主
讓我們可以參與團契的大會
又可以轉到一個配合到的影相檔期
再一次經歷上帝的預備, 恩典
讓我再肯定
找到生命中的優先次序
其他一切, 天父自有他的安排
而且非我們能預計的
感謝主
^_^

2009.09.01 期待 256 - by Karen

尋日...
我們的第一輯婚紗相
感謝主
1. 天氣, 影相時唔落雨, 影完後勁落雨
2. 一班好crew, 他們都是基督徒, 一班好有heart, 要做好佢份工的crew
3. 我最愛的未婚夫, 著住高跟鞋爬石澗水, 睇到佢緊張個樣, 謝謝你這樣愛錫我

好玩, 好開心, 好攰, 好難忘
我有一個好錫我的天父爸爸
我有一個好錫我的未來丈夫
我 - 一個幸福的女孩
再一次感謝主!
相... 一個月左右先有得睇呢
不過, 真的, 好開心, 又好熱!
^_^

2009.08.30 等待258 - by Karen

轉眼又廿多日過去了...
這廿多日... 去了台灣幾天
目的, 參加好姊妹的婚禮....
起初... 也有擔心....
一個女孩子,
離開本家
嫁到一個陌生的地方
但
經過她的婚禮, 婚宴後
感覺到的, 就只有幸福, 快樂
仲有係被上帝大大的祝福
看著丈夫在自彈自唱自己的創作福音歌
作為妻子的就站在一旁打拍子和唱著...
一個很美麗的圖畫
完全感受到...
他們必定是神所為他們預備的一個伴侶
作丈夫的, 因為呼召, 成為全職福音歌手
作妻子的, 因著信心, 成為身邊的支持代禱者
感謝主
真的... 你們在台上唱著和著
我在台下, 被感動.....
無人能夠估計上帝的計劃
想著想著
我也很快作為別人的妻子
我也很想做一個支持自己愛人為上帝作大事的婦人
天父呀... 求你教導...
我知... 我仲有大把大把要去學習呢!!!!

__________________________________

星期一, 將會又是另一個第一次
我們要影婚紗相了!!!
期待!
^_^
多謝 HoHo 的幫助
我們的道具真的很可愛, 很美呢~~~
^_^

2009.08.13 等待275 - by Karen

白馬王子揀完衫後
八月九日, 到我在法國揀衫
哈.. 我們的婚禮地點將包括"法國"及"倫敦" 呢!
一次過穿上廿多三十件類似的禮服....
頭都大埋....
突然... 好掛住妹妹, 我相信她的眼光
只要她說一句, 我就懂得怎樣選擇
謝謝傻妹幫我偷偷的影了多麼相
不過, 我不會在這兒公開了
免得別人的意見影響了自己心情.
影完後, 大家咪知o羅~

_________________________________

星期三晚的組訓...
一個又深又淺的課題..... 究竟, 我們這世代是一個怎樣的世代呢
上帝呀, 我只求我能帶他們到你面前
其他的東西, 交給你了....
好像很久不用預備週會
星期六, 加油呀!

_________________________________

星期四晚上
跟細dee 一個朋友晚飯
地點是天水圍
因為一個原因
這位朋友, 跟我們的婚期剛剛相差一星期
說著的, 都是相關的話題
很喜歡和你的朋友一起
因為, 我能融入你的世界
你的世界也接受我 ^_^

_________________________________

已經找到了伴郎
謝謝弟兄的用心
謝謝弟兄的認真
你很可愛呢~
深信, 你必是一個稱職的伴郎
你必會大大祝福我們呢~
謝謝你
感謝主!

2009.08.09 我也有我的白馬王子 @ 280 - by Karen

現在是零九年八月八日凌晨十二點十六分
還有二百八十日, 我的身份將會由別人的女朋友轉變成別人的太太....
有時覺得... 很正常.. 沒有什麼特別
有時覺得... 很期待.. 不知會是什麼一回事
我... 其實... 準備好了沒有呢?
感謝主~
喜歡每個星期五的午飯時間....
因為, 這是我們與天父一起的約會時間....
不用與繁忙的都市人爭位吃飯....
但很悠然地與天父享用一頓美味的靈糧.....
讓我們繼續好好地去預備自己
天父, 我愛你

___________________________________

昨天晚上, 與親愛的去揀禮服作拍攝用途...
從未見過你這樣的裝束...
白色燕尾西裝, 白色小背心, 白色領帶, 白色褲, 白色鞋...
兒時的白馬王子就是這樣活現眼前...
哈哈~
感謝主你有高大的個子....
看在兩位媽媽眼中, 也挺滿意呢!
嘻嘻
因她們在場, 我也不好意思大吵大鬧, 發狂的大讚你高大威猛, 英俊瀟灑...
哈哈~~~
我現在知道什麼是有型了!!!!
呵呵~~~
由於太過著迷... 竟然忘了幫你拍下有型的一刻!!!
也不要緊. 遲早會有的
^_^
親愛的, 我愛你

__________________________________

兩位媽媽也有揀晚裝
看著她們, 很可愛的兩個媽媽
其實她們也很著緊呢~
媽媽, 我愛你~~

2009.08.03 雙方家長第一次正式見面 - by Karen

正式見面, 係因為過往的見面都是因著教會的活動. 同枱食吃, 並不是第一次了
感謝主, 細dee 媽媽身體狀況一切都很好
感謝主, 爸爸媽媽跟細dee 阿姨有源源不絕的話題
傻瓜, 最後卒之都尷尷尬尬地入正題
籌備中的另一大事, 成了!!!!

__________________________________

尚有時間, 跟親愛的去買禮服恤衫, 同鞋
買了一件平實中帶點不平凡的斜紋
買了一件casual 點的恤衫, 平日也可穿回吧
買了白色底灰色"惕"的 Air Force 1
再轉戰深水埗, 本想買些道具影相時用...
玩具街... 真的很多東西買
但... 偏偏今天卻是那麼炎熱...
冇心機行呢.....
熱到傻呀!!!!!

__________________________________

期待今個星期四到你試衫, 好好玩呢!
期待星期日到法國試衫, 又一個第一次呢~

2009.07.16 還有十個月 - by Karen

又過了一個月, 話快唔快, 話慢唔慢
但進度明顯少了.. 因為... 可做的都做了嘛~
今個月做多了的是, 婚前檢查, 打針, 穿耳, 訂絲花球...
一直都做緊的, 亦都冇因風雨而改的... 感謝主... 我們可以維持
好開心每個星期都有一次這樣的祈禱.
為著我們, 為著我們的家人, 為著我們的新生活, 繼續好好祈禱尋求神吧~
在這段時間不停記下上帝的恩典, 好甜, 好美... ^_^
現在, 要好好休息, 讓自己有最佳狀態去影輯最靚最甜最開心的相
期待~
^_^

2009.07.13 營後感 - by Karen

三日兩夜的營會
上帝會在不知不覺中工作
你們每一個的分享都令我很感動
感謝主聽我的祈禱一直有個message 不知怎樣跟組員們分享
原來, 天父親自跟他們說了
深信, 巴多羅買組不再一樣
青少年團契也不再一樣
我　也要做一個好的組長
陪你們行一條艱難卻滿有恩典的路
我愛你們每一個
多謝天父, 我是其中的一份子!!!!

__________________________________

另一樣有關婚禮的小玩意

還有, 很感謝主在住屋方面雖然未有定案但　祂已靜靜地為我們逐一開路
多謝主
我愛祢!

2009.07.07 感謝主 312 - by Karen

三日裡面俾人"吉"o左三下....

4.7.2009
穿耳了... 每邊一隻
自己嚇自己
由話穿個一下開始驚, 跟住手軟腳軟
第一穿, 失敗.... 再嚇多一嚇, 更加驚...
其實痛, 又唔算好痛... 就係唔知驚乜
穿完後震住咁俾錢....
出門口眼花花, 面青口唇白
剩係feel 到自己捉到親愛的隻手好實....
去麥當當坐了好一陣先, 先回復血色.....

6.7.2009
去家計會睇報告
感謝主, 我兩的身體狀況很好
沒有地中海貧血
不是乙型肝炎帶菌者
不過也沒有抗體
結果.... 打疫苗....
反而係不知情下, 仲冇咁驚....
激死....
不過真係好感恩..
因為身體好不是必然的
有好身體, 更加要為上帝做更多事情啦~~~~

2009.06.30 突然發現 319 - by Karen

319
365 都冇.....
不足一年... 我的生命, 又多一個角色....
這次, 不像以往一樣...
搞完一個event, 當晚可以慶功一番, 可以放鬆一下
不過... 這次... 這個event, 只是一個開幕禮....
完成後, 還有漫漫長路去製作
但.. 我知道, 我不是孤單一人
因為, 我有天父, 有你
還有我的家人, 你的家人, 我們的朋友
我知道... 我有很多地方要你遷就...
給我多點時間, 我會學懂放低自己, 為你付出的...

2009.06.25 主的喜樂是我力量 - by Karen

我... 很想... 和祢... 再近多點...

主耶和華
我願常住在祢的殿中
日日歌頌讚美祢
膽仰祢的榮美

主耶和華
我願靠著祢力量得福
我雖經過流淚谷
祢使祂為泉源之地
蓋滿秋雨之福

求祢垂聽我的禱告
我的日頭我的盾牌
我要單單倚靠望祢
我的神啊我的王啊

求祢賜下恩典榮耀
我的避難所我的山寨
我要單單仰望倚靠祢
我的神啊我所倚靠的

2009.06.18 倒數十一個月 - by Karen

尚有限多時間...

在籌備的過程, 發覺我們真的有很多地方的不同..
多謝天父, 他是一個很有耐性, 很包容的男生...
求主繼續教導我更溫柔謙卑..

講起溫柔謙卑, 突然想起一位牧師..
他, 姓劉.
他是一個個子很高的牧師..
第一次, 好像是他按立做牧師
第二次, 應該是印象最深的一次, 便是隨走隨傳.
深印象, 因為他高, 因為他盡心, 因為他善良.
最記得那些通宵趕起的單張, 讓我更加配服他
第三次, 青年節, 哈哈, 有機會讓他認識我.
因為我那時以D.O.G.-Power 身份出席
細dee 也跟他一起在青工中服事..
但這也未讓我覺得他溫柔謙卑....
嗯... 只覺得他人很好, 對太太, 對身邊人, 都非常溫文有禮.
第四次, 門徒畢業禮.. 我地以支持者身份出席
見到他, 他第一句, 竟是恭喜我倆的大事...
沒有正式通知. 或許是在facebook 看到
卻那麼的上心...
因為他出年不能出席, 亦說聲祝福
雖然這一連串的東西, 好像跟溫柔謙卑沒有太大關連..
但.. 他給我的, 就是這個感覺...

哈哈~
好似不大關事...
無論如何, 只想天父親自教導,
讓我成為一個柔和謙卑的人
讓我成為一個賢德的婦人
讓我成為一個協助另一半去發展的人

_________________________________

數算一下已預備的事情:
婚前輔導, 教堂, 酒席, 婚紗照, 當日攝影攝錄, 婚前檢查 (完成一半), 租衫, 結婚介指, 化粧師, 餅咭, 姊妹團名單

2009.06.09 我需要你...

天父呀...
求你給我智慧, 力量...
深信我現在所經歷的, 你要體會過....
我要做的, 是要帶人到你面前, 而唔係要其他人please 我.
多謝主, 在這個時刻, 給我安慰 (從一個小伙子的對話)
我知我不能取悅所有人..
但我只知, 我要靠著你去做, 成就你的大事.
我需要你......

2009.06.02 還有不足一年的時間

感謝主

已預備好的 : 婚前輔導, 婚前檢查, 教堂, 酒席, 婚紗照, 租衫, 婚禮攝錄, 介指

過程 : 磨擦, 必定會有. 從過程中學習忍讓, 接納, 等候. 更加認識自己. 更體會上帝對我們的愛及預備

立志 : 更加親近上帝, 提醒自己生命的優次, 作為青少年小情人的同路人, 多陪家人

您, 可以成為我的代禱者嘛?

^_^

2009.05.12 充滿感恩的每一天

由決定, 籌備, 到現在, 一個月還未夠.
但感恩, 祝福卻未停過~

感恩的 :

• 婚前輔導的幫助, 在籌備上每與上溝通, 性格的摩擦, 也能和平化解
• 揀日子, 感謝我有一個愛我的爸爸
• 談禮金, 感謝我有一個愛我的父母
• Book 教堂, 感謝主的安排
• Book 酒席, 雖然未落實, 但, 多謝親愛的, 你的付出, 努力, 我感受到. 繼續為你和媽媽的溝通交托
• Book Pre-Wedding, 感謝天父的安排, 巧合地給我們遇上一位盡心盡力的好姐姐
• 租衫, 一間服務好, 款式多, 價實惠的舖頭
• 不同的朋友, 弟兄姊妹的意見資訊
• 好姊妹四出陪伴
• 婚期差不多的姊妹一同搵搵搵 &　試試試

多謝天父, 多謝咁多位

2009.04.27 決定了

決定了 : 15.5.2010
代禱 :

• 各樣的預備 (心靈, 身體, 儀式, 細節)
• 家人之適應 (特別為細dee 媽咪身體上的適應)
• 上帝的供應 (信心, 愛心, 資訊, 地方, 時間, 物資, 金錢)
• 各人之溝通 (處理不同之意見, 見解, 觀點)
• 上帝的心意 (last but not least)

我們希望, 別人感到我們的甜蜜, 不單單是從對方身上而來, 而是看到最重要的根源 - 我們的天父

祝福你~

2009.04.15 Letter to my dear Saidee - by Karen

四週年, 準備迎接新開始
我愛你, 因為你的傻更更
我愛你, 因為你有planning 得黎又flexible
我愛你, 因為你不懂浪漫卻又真心真意
我愛你, 因為你不懂花言巧語卻簡單直接

沒有動人情節, 卻令我十分感動
沒有刻意安排, 卻令我有點意外
沒有大束鮮花, 卻令我勾起回憶

你好傻, 就是什麼也不懂, 竟然這意義的小玩意也是一對
哈哈~ 也好, 給我一個機會自己選一個喜歡的
喂, 我不是貪心, 這是令一個意義呀~
嗯… 我想你還是不懂吧~
不打緊, 只要你肯給我就成了…

謝謝你
我願意往後的日子一直陪你玩落去~~~~
^_^