開心的一星期 - by Karen

雖然, 呢個星期經歷了六四, 再一次喚醒我們的心
當年一班弱不禁風的學生, 就在一班軍人的手下, 政府的強權下被摧毀
雖然過去是痛的, 不過, 我們依然要往前看, 為著未來更加要努力, 為這個國家祈禱, 為公義多行一步

講返開心事
莫過於星期四, 阿妹上來拜訪我們的新居
往時在天水圍, 都會煮下飯, 但, 好像搬出來後, 所煮的東西比較好味, 妹妹嚷著要來我家吃我煮的晚飯
其實真的很開心, 雖然只係我地三個人食飯
煮的也是簡單不過的東西 : 咸蛋雞蛋蒸豬肉, 椰菜炒午餐肉, 蕃茄薯仔肉碎湯, 再加外賣壽司, 但十分開心呢~
最開心的是, 當我在廚房搞這弄那時, 聽到妹妹跟她妹夫在廳一齊玩電結他, 一個彈一個唱, 很搞笑的場景, 但, 這也代表, 我老公越黎越融入我的原生家庭
之後最重要環節, 當然是跟妹妹wii 啦, 這才是她的主要目的呢.
謝謝老公默默地在廚房洗洗洗, 抹抹抹

跟住又係好開心的, 就是星期六, 婆婆媽媽到我家作客.
初頭也擔心婆婆不會來, 因為要行多級樓梯. 不過當我見到她很自在地在屋內坐著, 深信佢必定覺得這裡很舒適, 以後也會再來吧
媽媽都很開心, 不停讚女婿能幹, 自己一手一腳整到個爐灶位好靚好整齊, 哈哈~
佢又邊看著我煮餸邊指點一下, 這些日子, 以前也在天水圍出現過呢~
又是一餐家常便飯 : 烚菜心, 魚肉蒸豆腐, 洋蔥豬扒, 外賣出名叉燒.
因為婆婆媽媽的到訪, 那天一早起身便執執執, 又到街市買餸, 感覺好得意呢
飯後看電視, 簡簡單單的
看過後婆婆訓覺, 媽媽沖涼, 我地兩公婆開wii
很搞笑, 撩媽媽玩, 一個劍擊, 搞到佢哈哈大笑
還把差不多入睡的婆婆吵醒
婆婆忍不住我們的歡笑聲, 走出來看看
跟住, 教婆婆玩, 兩母女, 你一下我一下, 大家一齊嘻嘻哈哈, 結果, 她們由未夠十二點, 玩到十二點半
下次要叫埋爸爸出黎玩呢~~
^_^

生活鎖事 - by Karen

一 :
尋晚十一點開機洗衫, 諗住等洗完衫晒完就訓得
點知兩個人係廳一人一張梳化訓o左...
我兩點幾起身以為朝早, 拿拿聲晒衫
差o的想刷牙洗面
老公就繼續係咁訓....
到我晒起晒o的衫, 先叫醒佢入房訓

二 :
今朝起身, 準備飯盒俾自己的同時
為老公煮了一個早餐, 包括 :
烏冬兩個, 蜜糖腸兩條 (後尾我食o左一條), 冬菇雞肉餃九粒, 椰菜四份一個
嘻嘻, 佢唔駛一陣, 食晒
勁呀!!!!

^_^

為夫婦二人的事奉方向祈禱, 尋求, 等待 - by Karen

四月時, 牧師第一次向我發出挑戰
雖然忙著為婚禮打點
但這個任務 / 挑戰都不時在腦內打轉

婚禮完成, 這個任務 / 挑戰當然仍未離我而去...

其實, 有這麼一個機會, 開心都黎唔切啦
為何, 那麼多的顧慮...

1. 工作的安排...
2. 我真的那麼被上帝器重?
3. 上帝真的呼召我?
4. 若我接受挑戰, 是自己心意還是上帝旨意?
5. 我是怕被其他人奪去這個機會, 才接受挑戰嘛?
6. 我會將榮耀歸給自己嘛?

說到尾, 會是我想得太多嘛?
冇勇氣咩... 唔知今次驚乜, 或許真的是太大個任務, 決定吧
冇信心咩... 我最擔心都係同老公 , 家人的相處時間, 但係, 我又信, 上帝叫得你做, 呢o的根本唔駛擔心, 佢唔會叫我放棄家人, 祂也教我們要孝順嘛.

那麼, 還欠什麼呢??

除了我, 老公也開始被挑戰...
不過只係一個好初步吹水階段
但係, 那幅圖畫, 我又真的曾經想像過
老公, 我地一齊去向上帝呼求啦
求上帝使用我地
願我地甘心被上帝使用
讓我倆都學習放低自己, 單單仰望天父上帝...

^_^

五月十五日後記 - by Karen

五月十五日, 充滿感恩的一天

1. 朝早天氣報告仍然係狂風驟雨, 望出街地下都是濕濕的, 但最後, 藍天白雲好天氣
2. 一早化粧set 頭搞掂晒, 仲得閒週圍影下相, 幫姊妹整下頭花
3. 整日的時間控制尚可接受, overrun 的情況都不太嚴重
4. 在教堂, 其實不斷叫自己唔好諗唔好諗, 因為, 一諗就會冇o左個粧, 嚇親大家. 個腦keep 住空白一片
5. 搞笑位, 當我讀誓詞時, 讀到最後一句, 開始哽咽, 牧師不停示意我仲有一句, 我認不住跟牧師說, 我睇到喇~ XD
6. 每首詩歌都是我們的心聲, 一班年青人, 一對模範夫婦所為我們獻的歌, 我相信, 感動了不少人的心
7. 大家的黃色玫瑰襟花手花, 紫色襟花, 新郎新造的紅玫瑰襟花, 妹妹的花球, 實在太靚喇~
8. 其實當日係教堂門口, 教堂內發生過咩事, 真係唔知, 只係知道, 落車上去換衫, 搞掂就已經見到reception 擺得好靚, 禮成影完相, 走, 已經見到reception 好乾淨
9. 不得不再一次讚賞我們的司機大佬 - 基佬 (還是喜歡這樣叫你), 之前一日發生的事, 真的沒有嚇親我, 只係覺得不好意思. 你手車, 我十萬個放心呢~ 事後仍然不停在老公前讚你 (嘩哈哈, 真衰, 新婚即在老公面前讚第二個男人)
10. 我有一班靚靚姊妹團, 每個賓客都驚嘆我的膽色, 哈! 我不怕比下去呢~ 因為, 她們真的很漂亮, 她們真的是我的好姊妹
11. 兄弟團, 你地o的tie 真係好型, 你地都著得好好睇呀!!!!
12. 司儀伉儷簡直係冇得頂, 令我們的晚宴生色不少!
13. 其實在酒席前, 著褂影相時, 有點面黑, 因為心急趕時間換衫, 但係一眾親友又好想拍照留念. 希望唔好黑親大家, 請大家見諒
14. 好開心各位朋友都好幫手, 好準時到場, 希望唔會讓大家久等啦~
15. 十萬個驚喜, 平時不願唱歌的老公, 竟然當著差不多三百人的面前, 為我唱一首對我們頗有意思的歌. 我真的很愛你! 你真的很錫我! 回家後的一個星期, 每當我想去那時的畫面, 也忍不住感動得眼濕濕呢~
16. 在新娘房入面, 永遠都不明白為何我不能先著上下一套衫才轉粧, 永遠也是只有打底的衫褲, 十萬個為什麼!!!! 但, 在裡面的開心情景, 不是其他人能感受呢~
17. 抽獎, 食壽包的環節, 令每一個賓客都開心就好了.
18. 原來, 我的每一班朋友都很嘈, 亦因為咁, 你們令我們的婚禮熱鬧很多!
19. 看著爸爸媽媽作為主人為週圍招呼, 面帶笑容的, 我已經很足夠了
20. 可惡, 等了一年的蟹夾被沒收了!!!!!!
21. 奶奶好叻叻呀, 之前我們擔心她的身體狀況, 但當日卻應付自如, 簽名也不用蓋圖章呢~
22. 我地帶去的酒, 竟然沒有開到, 什至酒樓送的也有剩... 咁多係屋企, 可以用來整餸, 洗頭... XD
23. 不習慣回天水圍老家食飯後要離開.... 不習慣見到auntie 要叫奶奶.... 不習慣睡在身旁的人不是妹妹....
24. 這個星期的感受, 特別看到妹妹的sms, 留言 / xanga, 謝謝你的愛
25. 看著每一張照片 (還有很多未看), 謝謝每一位攝影師, 張我倆的來賓拍得很開心, 完全感受到大家當日的喜樂, 看得我們很開心!

其實要記的要講的還有很多很多, 不過最重要亦都係最滿有恩典的一件事, 就係我們的晚宴, 不用我們額外在付款, 而且, 那三圍免人情的青少年酒席, 也多得大家幫忙, 唔係我地老公婆請佢地, 而係每一位來賓對我們的厚愛, 讓我們可以將這愛分享, 當然, 我們相信, 這份愛, 是從天父上帝而來的!

感謝主!
^_^

五月十五日小記 (四)

今天的最後一站 – 酒樓, 晚宴地點
一到酒樓, 又是忙著換換換
先換褂, 與一眾家人拍照拍照拍照
雖然有點與時間表對衡, 但也明白家長們很想很想跟我們拍照留念
卒之, 找到機會返會新娘房換第一套晚裝
拍拍拍, 突然有一下, “同緊我影相的是什麼人呢?”
很想在鎂光燈閃的同時擰一擰個頭望望身邊是誰
哈哈~
影影影, 拍拍拍
看著大家也很合作地排隊
謝謝大家, 很有秩序
影完晒再被指示要回去換婚紗
又走走走, 換換換, 搞搞搞
晚宴正式開始
一對登對, 很有默契的司儀
展開了開開心心的一個晚宴
播著我們的舊照片, 聽著 Thank you for your love
進場, 砌木餅 – 頑皮的我們不停用把刀去斬個木蛋糕呢~
祝酒, 牧師謝飯, 上菜
時間好像都是掌握之中
也好, 食過了兩道菜才去換第二套晚裝, 也是最後一套
換了好一陣, 我們都支力了, 慢慢黎慢慢黎
搞了好耐, 又冇人吹我地, 以為大把時間呢..
哈哈~
搞掂出黎, 台上已經set 好小儀器
新郎不見了
萬料不到, 你會在三百人面前開腔自彈自唱
信天翁, 一首對我們來說很特別的歌
特別在於我們第一次聽時
是在零五年二月十四日, 一個特別的晚上
“情動心跳是因你, 誰及你這麼美”
那刻, 在我眼裡的只有你…
真的很感動你去為我唱這首歌
曾經也曾幻想過不知你會否在我們的大日子中你唱這首歌
有心思的你, 更安排組員們為你去獻上一支又一支的玫瑰
有心思的你, 特別改了少許歌前, 成為更適合我們的歌
謝謝你的心意
我, 真的很感動很感動
陳彥霖, 我愛你
第一次收你送給我的鮮花
第一次聽你為我所唱的歌
謝謝你

感動過後, 敬酒
到每一圍賓客去道謝
很高興見到當中的每一個你

接著, 就是與眾同樂的環節
小抽獎, 送禮物
雖然只是小小心意, 希望大家喜歡

由於結婚當日, 亦是我們攝影師的生日
碰巧五月份又有很多我們的親朋好友生日
我們決定在婚宴當中與大家慶祝生日
每位五月壽星仔女都有壽包一個
哈哈~
好想睇下大家拎住個壽包影的相呢~

再影下相, 就到最後一刻
送客
握手多謝影相
看著每個人都是充滿歡喜快樂的
我倆都好滿足
看著我倆的家長都充滿歡笑
狀態也十分良好
我倆都十分安心
真的, 感謝主
這是你的供應, 保守

最最最後
感激兄弟們支持我們到新居
幫手將一袋二袋三袋四袋……搬上三樓
再去宵夜吹水

今天, 衷心多謝每一位親朋好友
你們的出席, 幫忙, 對我們都是一個祝福
謝謝你們

多謝天父的保守!
^_^

五月十五日小記 (三)

雖然俾預計時間遲了點到達.
但, 化粧姐姐真的非常合作
超級幫手, 好開心, 好多人都話好靚呢~

係咁化係咁化, 唔知出邊兄弟姊妹預備成點
但係個刻就係冇擔心
又冇緊張….
到差不多夠鐘
開始邀請主禮嘉賓, 詩班一齊入新娘房祈禱
嘩~~~ 好震撼
個新娘房其實係一個大半個課室咁大的活動室
O的人逐個逐個行入黎, 行極都有行極都有
雙方家長, 牧師, 兩位讀經, 兩位獻詩, 四十多人詩班
好感動….
每一位青少年人都好乖, 好合作, 安安靜靜的去預備.
其實, 眼淚已在我眼內不停滾動…..
兩點半, 婚禮正式開始
牧師, 伴郎, 新郎進場後….
看著六位dancer 的舞姿
看著伴娘踏的第一步
挽著爸爸的手臂, 開始踏入這個禮堂..
雖然有點狼狽, 不停踩到婚紗…
也不忘四週看看到來為我們作見証的每一位好友
很多熟悉的臉孔
很多許久不見的樣子
大家都眾集在同一個地方
謝謝大家對我們的厚愛….
走到最後, 感覺到爸爸的不捨…..
將我的手交給了我的另一半…..
再轉身到牧師, 緊張的多行了幾級
妹妹不停的為我擺好拖尾….
唱著詩歌… 再一次被詩歌感動…
不感再細想每句內容
只怕流淚後的樣子把人嚇壞
卻野來另一麻煩友 – 鼻水….. 嘩哈哈~
謝謝的臣為我們祈禱
謝謝旭明伉儷把我們所揀的章節讀得娓娓動聽
謝謝青少年團契詩班張一首美麗的詩歌為我們呈獻給天父
卒之來到証婚的一刻
要真真正正讀出”我願意”實在不容易
要莊嚴神聖的起誓也絕不簡單
讀完每字每句… 到最後要表明這是我所立的莊嚴誓約
真的, 激動了好一陣子…
哈, 不知牧師是否真的以為我看不到那句, 重複指示了好幾次給我看
哈, 我也忍不住告訴她我是看到, 但未能用一平復心情去讀出
大家都笑了 ^_^
到了簽婚書, 又是那麻煩鼻水作怪….
邊簽邊走出來, 嘩哈哈, 好彩有個頭紗掩護著!
接受了牧師的祝福, 我們結成夫婦
就是這樣, 開始我們的一生一世…
最後的一首歌, 真的, 是我們的心聲
我們要將頌讚給祢!
禮成
致謝
其實, 有千言萬語想向每一位朋友, 特別幫助過我們的人去道謝
只怕又忍不住那位淚水小姐一湧而至. 最後也只有忍
但, 提到妹妹時… 哈哈, 她和我都滿面通紅, 不說了, 你心知的!

接著, 和每一位來賓合照
卒之可以與每一位賓客來一個近距離接觸
十分多謝每一位
比想像中多人
謝謝每位出席的朋友
也有些朋友未能拍照就已離開.
雖然有點失望
但, 我真的見到你. 我不會忘記..
^_^

五月十五日小記 (二)

出門後, 一路俾人用米掟, 嘩哈哈~~~
上車前影相, 上車後影相
其中一位攝影哥哥於車頭位置跟司機阿基不停打情罵俏
超搞笑...

其中一幕驚險鏡頭, 就係在兄弟姊妹車上的攝影攝錄師
要與我們的花車並行, 拍拍我們的情況
哈哈... 好搞笑呢~

順利地, 抵達男家
奶奶, 家姐, 阿公, 阿姨姨丈都已經等待中
奶奶好叻, 佢之前做過電療, 不受得太刺激
但係當日, 係斟茶時有小小因血壓太高而面紅
其他時候都好開心好精神
感謝主的保守
斟完茶, 請眾兄弟姊妹到樓下酒樓食飯
我地就係屋企食少少野...
其實都唔係好食得落...
跟住, 又再趕往教會準備最重要時刻