五月十五日小記 (二)

出門後, 一路俾人用米掟, 嘩哈哈~~~
上車前影相, 上車後影相
其中一位攝影哥哥於車頭位置跟司機阿基不停打情罵俏
超搞笑...

其中一幕驚險鏡頭, 就係在兄弟姊妹車上的攝影攝錄師
要與我們的花車並行, 拍拍我們的情況
哈哈... 好搞笑呢~

順利地, 抵達男家
奶奶, 家姐, 阿公, 阿姨姨丈都已經等待中
奶奶好叻, 佢之前做過電療, 不受得太刺激
但係當日, 係斟茶時有小小因血壓太高而面紅
其他時候都好開心好精神
感謝主的保守
斟完茶, 請眾兄弟姊妹到樓下酒樓食飯
我地就係屋企食少少野...
其實都唔係好食得落...
跟住, 又再趕往教會準備最重要時刻